وأخيراً غلي البنزين
أخيراً وبعد انتظار طويل، تحقق الأمر المُتَوَّقع الذي طال تأجيله غيظاً في مروجي الشائعات...
منذ منتصف ليل الجمعة
يرتفع سعر أكثر السلع أهميةً، وسيتلوها كل شيء...
فرصة برضه: زيادة أسعار يوليو، وحرب في لبنان، وأجازة!
ثلاثون قرشاً دفعة واحدة!!!
منذ منتصف ليل الجمعة
يرتفع سعر أكثر السلع أهميةً، وسيتلوها كل شيء...
فرصة برضه: زيادة أسعار يوليو، وحرب في لبنان، وأجازة!
ثلاثون قرشاً دفعة واحدة!!!
Labels: مصر
posted by R @ (Memphis Time) 16:59
10تعليقات:
أصلا سعر السولار اللي تأثيره على الصناعة و النقل و المواصلات أعلى بكتير من البنزين التسعين وغلي من زمان و بان تأثيره خلاص بس ضحالتنا أحنا و اعلامنا خلتنا نفوت الموضوع طالما أن الملاكي بتاعتشي مش هتتأثر
المهم بقى هيغلوا السولار تاني ولا لأ؟
أنا شخصيا أشجع رفع سعر البنزين المستخدم في الملاكي 400% و خفض سعر السولار
الله يبارك فيك
عقبال الفول
يا علاء مافيش مشكلة إنّ البنزين يغلا لأنّه كان فعلاً رخيص جداً وسعره ثابت ييجي خمستاشر سنة، وحيث إنّ كل الأسعار في مصر الآن ما تتخيّرش عن مثيلاتها في أمريكا مثلاً (بالقيمة المطلقة للدولار) بينما المرتبات بقيت عند الخُمس أو العُشر أحياناً،
بس المشكلة مش في الملاكي بتاعتشي، المشكلة في التاكسيات والميكروباص وغالباً في الأوتوبيسات كمان اللي هترفع الأسعار.
أمّا عن السولار، فرغم أنّني لا أتعاطاه، إلاّ أنّ هذا الخبر يقول إنّه ارتفع 15%، وبقي فقط الأوكتين ثمانين لمحدودي الدخل، بس قابلني طبعاً لو وجدناه.
وزي ما باقولّك: المشكلة إنّ كل شيء هيغلا من الألبان وحتى اللبان، حتى الدراجات والحمير غالباً هيغلوا!!
ـ
النهاردة الصبح مرات البواب راحت تشتري جبنة قريش من عند واحدة فلاحة قاعده في السوق ..
الست لقيت الجبنة غليت 50 قرش بحالهم .. ولما سألتها عن السبب الفلاحة ردت بمنتهى الثقة (أصل البنزين والسورار غليوا يا ستي انت ماتعرفيش ولا ايه؟؟)
الله يبارك فيك يا رامي وعقبال الفول ورغيف العيش ..
بس على العموم الحمد لله الحمد لله العيش ال(WHOLE GRAIN) والشيكولاتة السويسري والنسكافيه )TASTERS' CHOICE)
اسعارهم ماغليتش .. الحمد لله ..
أتمني ان نتبنى جميعا كمدونين كلمه واحده بتاريخ واحد نحدد فيه رأينا للعالم اجمع
اتمني ان ندون مدونه واحد بتاريخ 27/07/2006
كلنا كمدونين نكرر عباره واحده
كلنا مع لبنان وفلسطين ضد اسرائيل والمحتلين
ولننشر كلماتنا القليله في جميع المنتديات والمواقع ليكون هذا اليوم يوم احتجاج
بالعربي بالانجليزي المهم نسمع صوتنا للعالم
وان لم نستطيع حمل السلاح فالنحمل الكلمه
وبأي لغة نستطيع نشرها
بالإنجليزية
We are with Lebanon and Palestine against Israel and occupiers
والفرنسية
Nous sommes avec tous le Liban et la Palestine contre l’Israel et les occupants
والألمانية
Wir sind zusammen mit dem Libanon und Palästina gegen Israel und Besatzer
والإسبانية
Somos todos con Líbano y Palestina contra Israel e inquilinos
والصينية
我们都是同黎巴嫩和巴勒斯坦对以色列占领者
واليابانية
私達はイスラエル共和国および占有者に対してレバノンおよ
びパレスチナとのすべてである
تحياتي للجميع
الخبر اللى ماما بتصحينى بيه النهاردة ان البنزين غلى
ودوروا بقى على الكسوة الصيفية يا ولادى
:D
وعلى هذا الاساس قررت انا والمدعو اخويا نطالب بزيادة فى المصروف على اساس زيادة البنزين...
هو رفع أسعار وخراب ديار ولا ايه؟؟؟
دلوقتى حتى اللى بيصور ورق ح يقول لك الأسعار نار.. البنزين غلى يا حضرت
وعليه فادعو لكل من فكر فى هذه الفكرة الجهنمية بدوام الصحة وغلو الاسعار
----
تقبل الدعوة فى حالة صحة زيادة المصروف.. وهو الشئ اللى 100% مشكوك فى أمره حتى لو اتنططنا للسقف
سلام
ما هو يا رامي عشان كده أنا اتكلمت عن السولار، المواصلات العامة و المراكب و عربيات النقل بتستخدم السولار (أو حاجات تانية سعرها بيتحرك مع السولار)
الأفران و مكن الطعمية و مصانع كتير بتستخدم السولار عشان تولد طاقة. و مكن الري كمان.
يعني الحاجات المهمة للانتاج و الصناعة و التجارة و الزراعة و المواصلات العامة يا بتستخدم سولار يا غاز طبيعي و دول المفروض يفضلوا مدعومين و يدعموا زيادة كمان.
لكن انتشار الملاكي بالشكل الرهيب اللي حصل الكام سنة اللي فاتوا ده مش في مصلحة أي حد غير المصلحة الضيقة و المباشرة لصاحب الملاكي (طبعا الموضوع مش بالبساطة دي لأن المواصلات زفت و خصوصا في الأماكن المقطوعة) و تأثيرها على البيئة ضار من غير ما تقدم فائدة مكافئة تخلينا نستحمله، يبقى مفيش مانع دي تغلى جامد.
اللي أنا فاهمه أن البنزين عندنا رخيص لأن عندنا اكتفاء ذاتي من البترول، و ان كان فيه كلام عن أننا بدأنا نستورد بترول و في كلام برضه عن أننا بنبيع بترول لاسرائيل مش بس غاز، و دي بقى حاجات محتاجة بحث و تقصي أو حد في المجال موثوق فيه ينورنا
أنا غالبا اتخرب بيتى
:-)
باركولى انا بقيت من زبائن البنزين 92 ماهى خربانة خربانة بيقى ادلع الفلوكس بتاعتى بقى
______
على فكرة هى بيتلز القديمة مش بورا ولا باسات
شوفوا بقه انا معنديش عربية ولله الحمد ومعلومات عن استخدمات السولار نفس معلوماتكم عن سواقة القطارات البخارية
كل اللي أعرفه اني لغاية دلوقتي عامل خمس خناقات مع خمس سوائقين ميكرواص
والأفتكاسة الجديدة بقه ورقة متصورة ومتعلقة علي باب الميكروباص مش باين منها حاجة بيدعوا انه قرار من الحكومة بتغلية تسعيرة الركوب
Post a Comment
<< Home