يا رب استر
يا فتّاح يا عليم
يا رزّاق يا كريم
اصطبحنا وصبح الملك لله
يا ربّ عدي اليوم ده على خير
علشان خاطر الغلابة
اللي عددهم بالملايين
يا رزّاق يا كريم
اصطبحنا وصبح الملك لله
يا ربّ عدي اليوم ده على خير
علشان خاطر الغلابة
اللي عددهم بالملايين
الأربعاء 7 سبتمبر
الثامنة صباحاً بتوقيت القاهرة
الثامنة صباحاً بتوقيت القاهرة
posted by R @ (Memphis Time) 00:00
19تعليقات:
آمين
آمين
آمين
هايعدى هايعدى ماتقلقش بقالنا 7000 سنة * 356 يوم (يعنى حوالى 2555000 يوم وشوية ) بنقول يارب اليوم ده يعدى ومافيش ولا يوم فيهم قعد
آمين يا ابن عبد العزيز.
أهلاً يا أحمد، إنت فين من زمان؟
أنا مش بادعي علشان كده، أنا بس خايف تحصل مشاكل النهارده أو حد يتضرب، أو تبدأ حملة سبتمبرية جديدة.
يا رب بكرة يبقى بداية مصالحة وطنية مش حرب أهلية.
ـ
آمين
هايعدى ، الناس طالعه فى الجزيرة والعربيه الله ينور
هانرشح الريس وإحنا لينا مين غيره ، ده أبونا... حد يغير ابوه
لألألأ .... لسه بدرى اوى
ربنا يسمع منك
وانا في طريقي للشغل النهادرة الصبح، كان الجو هادي زي كل يوم وممكن أهدى كمان، بس مش عارفة بقى على الساعة 12 ظهراً (ده موعد مظاهرة كفاية) ايه اللي هايحصل.
أقرأ هنا عن تجربتي امبارح.
أنا كمان حاطة إيدي على قلبي من ساعة ما سمعت إن كفاية هيتظاهروا النهاردة في التحرير..
مع احترامي بس التظاهر النهاردة مالوش معنى..طب يتظاهروا بكرة .. إنما النهاردة؟
كأنهم رايحيين يقولوا لهم إحنا عاوزين نتضرب!
ربنا يستر ..
sorry ya ghada, they have a very good point in that, they want to say they didn't go to vote not becasue they are negative, la samah allah, as the gov say, but because they are not convinced that these elections has any meaning!!
so they move, at the same day, at the same time, to tell their opinion but with a different way, this is a kind of voting, public and clear but voting against the election its self !!
OK, i don't have beta2a entekhabiya anyway, and even beta2a sha7'seya, but i will see if i can vote without them, if i have time after work!!
R, the question is, what will happen after the elections, not during it!! i am afraid after the elections things may change to the worst :(
انا تعبت منذ اربع ساعات ابحث عن لجنه لكي اصوت فيها بعثوني من لجنه الي اخري ومن مدرسه لمدرسه ومن قسم الهرم الي قسم المعادي
وفي النهايه ها انا هنا اكتب ولكني لم استطع الانتخاب
بس بصراحه اللجان التي رايتها كلها تسير بطريقه جيده والعمل يجري بكل سلاسه (علي اساس ان العمل هو تطفيش الناخبين)
لمستنى ...
اااااااااااااامييييين
ولاوني كنت أتمني تقوم حرب و متحصلش تاني المهزلة أبو 7000سنة
بس ياااالا بقي خليها تخرااااب
;_;
أسمحلي يا رامي أتكلم عندك عن اللي عملته
مؤخراً لظروف أبتعدت عن مجتمع وسط البلد والبلوجات والكلام ده، وكنت بسمع وأفكر في كلام الناس العادية من عم محمود البواب لغاية زملائي في العمل، مش مقياس للرأي العام لكن مجرد تأمل، فعلاً المبولجين قاعدين في برج عاجي وكفاية هم مجرد هوجة أنعكاس لهوجة الحزب الوطني من ناحية الأيديولوجية فكلاهما متمحور حول شخص بتأييد أو معارضة مطلقة، كلاهما بلا برنامج، كلاهما يفكر بشكل مطلق فلا يراجعوا ذاتهم ويعتبروا الآخر شيطان (كلاب حكومة أو خونة) ما علينا
رأيت الناس مؤخراً تهتم على عكس العادة والكل يتكلم بل ويحاول أن يفكر
رأيت الفكر العملي يسيطر على أغلب الناس، مين اللي هينفعنا وأرى ذلك أيجابي لأنه علامة بداية نضوج من شعارات اليوتوبيا لكنه سلبي لأنه يقلل أهمية الأيديولوجيات
رأيت الأغلب يفضل مبارك، غالباً لأسباب أراها أنا سلبيات، منطق اللي نعرفه أحسن من، اللي شبع مش هياكل، بيشكم الأخوان، بيحمي المسيحيين، راجل عسكري وأشياء أخرى
لكن الأسباب في النهاية داخل ضمائر الناس، والناس إذا كانت أغلبها لأي سبب تؤيد مبارك ، فليعيش رئيس الجمهورية، مش هي دي الديموقراطية
لا زلت أرى المقاطعة سلاح لا معنى له في بلد نام في سلبية قرون طويلة
شخصياً أرى الأنتخابات الحالية مثلما كنا نلعب لعبة جديدة كنا نعمل دور تجربة، لا نلعب بجد لكن نجرب ونتعلم
شخصياً كنت أفكر في ترشيح الصباحي إعتراضاً على الجميع، لكني عندما سمعت بعض من هذا وذاك قلت أيمن نور، لمجرد أنه الوحيد الذي قدم ما رأيته إطاراً نظرياً ليبرالياً
صباحاً كنت في الأسكندرية وبعد العودة والدش والكسل كنت أمام القسم الساعة التاسعة!!!وكما روت الست نعامة الناس ذوق وناس كتير متحمسة وعايزة تشارك، ذهبت بعدها للدائرة أمام بيتنا، المسألة فعلاً منظمة بس بيدوك حاجة ملهاش أي أستخدام أسمها بطاقة دليل الناخب عليها صورة مبارك، جوه لقيت كلهم مدنيين وقاضي في النص، محدش دفعني لترشيح مبارك
عارف أن فيه تكرار أسماء في عدة لجان والختم اللي بيروح بسرعة وغيره لكن اللي يقول أن ده معمول علشان التزوير يبقى مش مصري وميعرفش أن ده طبيعي في كل حاجة تقريباً في مصر، لكنه ممكن أستغلاله للتزوير يلا شك
أسف للأطالة يا رامي لكني تعهدت ألا أكتب في السياسة ولغطها وأن أقلل جذرياً من قرائة سياسة على المدونات
وبالمناسبة غلاسة تانية وإعلان دون إستئذان
اللي عايز يبعد عن لغط السياسة ويفكر بهدوء حبتين يا ريت يخبط دماغه في الحيطة
www.7eta.blogspot.com
بجد يا رامي كنت مستني اللي أنت هتقوله عندنا، فلو عندك ألحق قبل ما نبتدي مناقشة تانية تجيبلنا أحباط
امين
يا د رامى
يارب ينزاحوا
و اهو عدى اليوم كما هو متوقع له بالنص .. بمعنى المخالفات العديدة اللي لا بد منها و اللي الموضوع كان حيبقى مريب جداً من غيرها .. أنا عن نفسي ما عرفتش ألاقي اسمي في القسم اللي أنا مولود تبعه .. مش عارف دي غلطة مين أو أحاسب مين
يسسسسسس .. إن الرابط اللعين يعمل بكفاءة
:)
مات الملك .... عاش الملك
نفس الملك ؟؟ .... نفس الملك !!
يموت اموت
يعيش اعيش
مايهمنيش غير انى بس ماجيش فى يوم فى ايد شاويش
أهبل غشيم غبى ولئيم عامل ملاك وهو اصله شيطان رجيم
يضرب قفا ويـختفا وجزمة (شوز) من ام بوز
تنزل تطرقع عالنافوخ
اكيد هاقع اكيد هادوخ اكيد هاموت لكن الاكيد وانا الشهيد
هاهتف بصوت عالى قوى : "مات الملك .. مات الملك.."
ويرد كل الكون على :"ياعبيط عاش الملك .. نفس الملك"
____________________________
مهداه الى روح التمرد عند متظاهرى كفاية
In the American Revolution over 200 years ago, there was far from a unified front against British rule and authority. The population of the colonies was about split, though a slight majority was strong in their feelings about breaking away. A fair number of Americans actually fought on the side of the British. Many thought the revolution would not succeed, but it did. The first step in all of this was speaking out in opposition to the forces that were in control. This has already occured in Egypt and this election, though probably rigged, is much more significant than you realize. You will not be able to realize the signifcance of this election, but your children will. Unlike America, you will not have to resort to violence to achieve a representative form of government. I have 3 ancestors that fought in the American Revolution against the British.
*******عــــــــــــــاجل********
///عزيزي عزيزتي ... هذا جاد جدا وليس مزحة///
عفوا لاقتحامي مدونتك،،،،
اغتصاب بعد تعذيب مواطن مصري بقسم شرطة مصري
في ادراج بعنوان،،
(مصر مش كده)،أو (ممنوع الصمت....عماد الكبير عرضك عرضنا)،،،،،،،
اكثر من مرة يحذف من مدونتي ولا اتذكر كيف، لا اريد ان اسيء الظن،،،
لذلك هنا رابط الشريط والادراج في حال اردت رؤية الشريط ولكن ،
ارجو الاهتمام بالتعليق،،
انا ليس لي غرض شهرة، /فأنا لا اعلن عن شخصيتي ، وايضا لم ولن اشترك في مسابقات افضل المدونات/
انما ليعلم من حذف وصلة الشريط من مدونتي اننا جميعا رأينا الفضيحة التي أراد التستر عليها،
هنا رابط شريط التعذيب،
http://img216.imageshack.us/img216/3641/policewl1.swf
رابط الادراج على مدونتي
http://2faris.maktoobblog.com/?preDate=2006-12-26%2022:16:00&post=168829
،،،،ويا عالم جايز التعليقات او المدونة كلها كمان ياريت تهتم،،،،،
ان قمت بنشر تعليقي هذا او توزيعه على اكثر من مدونة فتكون وقفة منك معي ضد من يحاول التعتيم فلا تبخل بنسخ التعليق وتمريره لمدونة اخرى
،،،،،،، وايضا ليعلم أن رسالتي وصلتك أو راسلني على ايميلي fareselmasrry@yahoo.com ....تحياتي ...(واحدتاني) والسلام
Post a Comment
<< Home