للحقيقة أكثر من وجه... ضع عنواناً لهذه الطقطوقة
تَنْتون (رقم عشرة شارع الأزهار حي الأشجار في الغابة):
هاها.. جاري العبيط ده فاتح الوايرلس على البحري وعمال أستخدمها ليل ونهار ببلاش وهو بيدفع ييجي ميت جنيه في الشهر
تَنْتَن (رقم ثمانية شارع الأزهار حي الأشجار في الغابة):
هع هع.. جاري الأهبل!! كل يوم يدخل على الاشتراك بتاعي، وعمال يحط معلوماته، استخدمت كل حساباته البريدية وكارت الائتمان بتاعه وحالياً باصاحب صاحبته الاستراليّة!
هاها.. جاري العبيط ده فاتح الوايرلس على البحري وعمال أستخدمها ليل ونهار ببلاش وهو بيدفع ييجي ميت جنيه في الشهر
تَنْتَن (رقم ثمانية شارع الأزهار حي الأشجار في الغابة):
هع هع.. جاري الأهبل!! كل يوم يدخل على الاشتراك بتاعي، وعمال يحط معلوماته، استخدمت كل حساباته البريدية وكارت الائتمان بتاعه وحالياً باصاحب صاحبته الاستراليّة!
posted by R @ (Memphis Time) 14:13
11تعليقات:
هو أنا عمري ما علقت عندك قبل كدا بس الأفيه قتلني
:D
أتلم تنتون علي تنتن ......
:D
Ya Sater
:)
La2 ..
El Mofarqa Ennohom Fi Share3 El Azhar, Ro'3m Ennohom Antan
:))
يا رب جار كده يكون عنده واير لس مفتوح عالبحري و ابطل ادفع الاشتراك و مش هاخد منه و لا صاحبته و لا رقم اي حاجه بس انا ساكن في حي الاوباش مافيش هنا رقم تسعه خالص كله رقم تمانيه و عشره
بس خلاص
أنت فاكرها سلطة؟ فاكر الأنترنت دي متسابة لدكاترة زيكم ولا ايه؟ الحصول على بيانات كارت الأئتمان عملية مش سهلة لأن تقريبا كل المواقع اللي هتدخل فيها الكارت ده بتستخدم نظام تعمية بالمفاتيح العلنية يكاد يكون مستحيل كسره.
عشان تحصل على بيانات كارت ائتمان لازم تعمل فخاخ معقدة.
البريد الالكتروني ممكن بس يبقى غشيم و الموضوع مش مرتبط أصلا بوصلة لاسلكي مفتوحة موفر الخدمة بتاعك كمان يقدر يشوف كل حاجة لو مبتعملش اتصال مؤمن.
ده طبعا غير أن دي تدوينة مغرضة و جزء من ارهاصات المؤامرة الماسونية ضد السلوك الاجتماعي و البيئي الايجابي في المشاركة في وصلات الانترنت باستخدام التقنيات اللاسلكية و دي طبعا حملة مصممة لحرمان فقراء العالم من الاتصال.
يا علاء ارحمني أنتَ وإرهاصاتك،
غير إن دي قصة خيالية تعبر عن رأي شخصي وليس بصفتي وزيراً،
فأنا عامل التدوينة وباعتها على وايرلس جاري أصلاً، وكذلك هذا التعليق!
ودمت للوطن ذُخراً!
ـ
يا عم علاء ارحم الدوك، ماتسيبه يكتب إللي هو عايزه. استمر يا دوك مع تنتن وتنتون، ابقى تعالى صيف عندنا :-)
يا علاء أنا جيراني كلهم تقريبا أغنى مني بس أنا الوحيد اللي عندي الوايرلس في شارع الأزهار بتاعنا. لاتقوللي بقى فقرا ولا مؤامرة. ومانيش فاتح الوايرلس بتاعي بحري لحد.
على فكرة، مش بس يا علاء كروت الائتمان والكلام الكبير ده. كلمة المرور لحساب الأدمينستراتور في الويندوز فاضية لو انت مغيرتهاش. يعني باختصار هوب على كمبيوتر جاركم اللي سايبها زي ما بيل جيتس قاللو واعمل اللي انت عايزه.
طيب ما يمكن الحكومة عاملة مؤامرة وسايبة الوايرلس مفتوح عالبحري عشان توقع بالبلوجرز... أو يمكن واحد أشفق على رامي وسابله الوايرلس مفتوح... أو يمكن أهبل فعلاً ومش دريان بحاجة... بالنسبة للكارت والبت الحلوة صاحبته دي مشكلة أخرى لازم نبت فيهاااااااااااا
أنا متفق مع علاء في التعليق بتاعة بس من غير ما احرم حد انه يكتب قصة خيالية. ولعلمك بقة في فعلاً مجهودات بتعملها شركات الاتصالات علشان تحتكر توصيل خدمة الانترنت. ممكن العالم كله يشتغل على الانترنت لو تتوصل على خطوط الكهرباء شوف هنا أو هنا. نفس قصة الطاقة البديلة، ممكن البشرية كلها تشتغل على الهيدروجين إللي هو أصلاً موجود في المية من غير الحاجة إلى البترول وتلويثه وحروبه وتشريده للناس.
أهلاً وسهلاً يا زنجي،
علّق في أيّ وقت يعجبك
وما أكثر التناتين والتناتن...
ـ
:D
يا لطيف
أيام اللابتوب, كنت أسترزق إنترنتيا بذات الطريقة, ويبدو أن جارتي (صاحبة الوايرلس) هي التي قامت بتعليق صديقتي الاسترالية
إفتراضي
Post a Comment
<< Home